هل بفرح يا عيد... للشاعر المبدع المتالق/ اليان سمعان أبو طوني

---==0==--- هل بفرح ياعيد ---==0==---
........................................................
ياعيد يال جايي شو جايب معك
---==0==--- حامل سلام وفرح للناس تعبانة
علي لصوت الحب ماعم بسمعك
---==0==--- الناس كلا اليوم للامن جوعانة
جبلن سلام الروح عزز موقعك
---==0==--- صارو الضحايا كتار والحرب ولعانة
قرب قلوب الكل اليوم بمرجعك
---==0==---  بدنا المحبة تعود الناس ياسانة
بدنا البلاد تروق باول مطلعك
---==0==--- تعبت قلوب الكل والناس بتعاني
بيكفي حزن ياعيد نشف مدمعك
---==0==--- انشالله السلام يعود عاكل اوطاني
خلي الضحية الحرب قوي مبضعك
---==0==--- حتى العيد يعود بالفرح وغناني
هل بفرح ياعيد بعيني ماروعك
---==0==--- كل عام وانتو بخير ياصحابي وخلاني
---------------------------------------------------
كل عام واخوتنا بالايمان بالله الواحد
المسلمين جميعا اينما كانو في انحاء العالم
بالف الف خير اعاده الله عليكم وعلى بيوتكم واوطانكم
بالخير والسلام واليمن والبركات اضحى مبارك للجميع