وشوفت الموج مابين شعرك .. للشاعر المبدع/ بلبل عثمان

وشوفت الموج مابين شعرك
على كتافك وسايل سيل
وحد الشط على صدرك
بتحلم بيه نجوم الليل
..............................
انا العاشق لبحرك
لو ما فيهش شطوط
وحالف اني اغرق فيه
ويكفيني في حبك اموت
ولو عشت ولو ساعه
هقضيها ف هواك ترتيل
..............................
يا نور الشمس يا منور قمر ليلك
انا والليل وكل ما فيه
سهرنالك نغنيلك
ونستنى
طلوع الفجر
وشروقك
علشان اصلي وادعيلك
وندعى ان انت لينا تميل
...........................
يا واحه بين نجوم طلت
على فكري اللي كان خالي
ومرت روحك الطاهره بتفكيري
فسمعت روحي ترتيلك
فباتت ساجده للعالي
ومر النور على فقه الحديث بينا
بدون تأويل
....،......................
وسارح فكري انا الزاهد
في حب الضي والملكوت
وبتمنى في حبك حد
لو حتى يكون الموت
لأنك انت جوايه
كما الزيت اللي في القنديل
.................،............
بلبل طلعت عثمان