فاتن حمامة .....احمد محمود الشاذلي

فاتن حمامة
...
يا "فاتن حمامة"  .. يا احلي ابتسامة  .. فوق خد الوجود
كلك رقة.خفة ..  والإبداع دا صدفة  .. فاق كل الحدود
سيدة الشـــاشة العربية  ..   أجمل أجمل "سيمفونيّة"
تعزفها الليالي تشوفها   ..    ملايين الأجيال الجايّة
فاتن عايشة فينا   ..    في قلوبنا وعنينا
إلي يوم القيامة
يا فاتن حمامة
...................
الوجه الصبوح ..  بالأسرار يبوح   .. كارزمة حنان
أنوثتها ودلالها  .. أسطورة وجمالها  .. يتحدي الزمان
دي الحقيقة "فاتن"    ..  كل ما فيها فاتن
شوف نظرة عنيها   ..  شوف لَغْوِة إيديها
شوف همس الشفايف    ..  والسحر اللّي فيها
والصوت الجميل أبو رعشة .. بريئة ولذيذة
والفن الأصيل غار منها بالروح والغريزة
دي الحقيقة "فاتن". .كل ما فيها فاتن
سيدة الشاشة العربية   ..  أجمل أجمل "سيمفونيّة"
تعزفها الليالي تشوفها   ..ملايين الأجيال الجايّة
فاتن عايشة فينا...  في قلوبنا وعنينا
إلي يوم القيامة
يا فاتن حمامة
...........................
موت إيه اللّي ياخدك منّا   ..  موت إيه اللي يخطف "تونة"؟!
موت إيه اللّي يبعد بينّا           . وبفنّك قلوب مفتونة؟!
دا العالم بشمسه وضِلّه    .. بيحبك بورده وفلُّه
يا "وجه القمر"يا مسجّل  .  .في كل القلوب "أيقونة"
دي الحقيقة فاتن.    .كل ما فيها فاتن
سيدة الشاشة العربية.   .اجمل أجمل "سيموفنيّة"
تعزفها الليالي تشوفها  .. ملايين الأجيال الجايّة
فاتن عايشة فينا  .. في قلوبنا وعنينا
إلي يوم القيامة
يا فاتن حمامة
...............
بقلم:أحمد محمود الشاذلي