بتبص لك
//////////////
بتبص لك .. بنظرة بتقول انها
بتحن لك .. وصعب تبعد عنها
بصيتها ليك ... مش اي بصة
بصيتها ليك ... وراها قصة
خليتني أسأل.. ايه ما بينكم
خليتني بيها .. ابقي حاسة
من قبل مني عرفتها ..
ولا بعد مني
ماهو برضه زي ماخنتها ..
جايز تخونني
طب لسه شاغلك.. حبها
وألا إنتهي من . وقتها
و الا ابتدا قلبك.... يقول
إديها فرصة
بصيتها ليك .. مش أي بصة
بصيتها ليك .. وراها قصة
هو انت جارح ... قلبها
والا انت مجروح. منّها
هو انت ظالم والا..هي
والا انا هاابقي الضحية
والقاك راجعلي بتعتذر
وتقوللي شاغلك. حبها
بصيتها ليك .. مش أي بصة
بصيتها ليك .. وراها قصة ................................
نظرتها فيها كتير معاني
انك حبيبها الاولاني
إن اللي بينكم فيه حاجات
بتحن لسه لماضي فات
وعايشة ويا الذكريات
وتقولك انا بعدك باأعاني
بصيتها ليك .. مش أى بصة
بصيتها ليك ... وراها قصة ..............................
كلمات / شرف الدين فاروق أحمد
ليست هناك تعليقات:
إرسال تعليق